میللی سیمگه اونریسی یا میللی سیمگه سوخوشدورماسی

میللی سیمگه اونریسی یا میللی سیمگه سوخوشدورماسی

اورمولو ائلچین

 

بیر نئچه هفته قاباغدان قارا آی اولدوزلو بیر بایراق کیملیگی بللی اولمایان بیر نئچه نفرین ورینده ن بای بک سیته سینده میللی سیمگه آدییلا یاییلمیشدیر.بایراق گوزومه توخوناندان بیر نئچه سوزو بو بایراقی وئریب و اونو تمثیل ائدنلره یازماق ایسته ردیم.

اونریلن (یاخشی دئسک سوخوشدورولان)بایراقدا آی اولدوزون قارالماسی گوزه چارپیر ،بیر نئچه نفرده بوآی اولدوزون قارالماسینا تنقیدلر یازیب، آمما سوز بایراقین قارا آی اولدوزوندا دئییل بلکه سوز بو بایراقین یارانماق فلسفه سینده دیر.سوز بو بایراقدان مودافیعه ائده ن یازیلاردا وبو بایراقین اوترگی اولوب و ایستیقلالدان سونرا آی اولدوزون آغارما سیندان سوز آچانلارادیر.

بیر سیرا قوندارما آدییلا بو بایراقدان مودافیعه ائده نلرین سوزلرینه گوره بو بایراق بیر میللی بایراق دئییل بلکه بیر موباریزه سیمبولو دور وبوتوو آذربایجان یاراناندان سونرا بو بایراغی قیراغا قویوب و بوتوو آذربایجان بایراقی کی بو گون قوزئی آذربایجاندا دولت بایراقی تانینیر آسیلاجاق.سوزوم دئموکراتیک سئچیم ده ن سوز آچانلارا ،میللی بایراغی میللت سئچر دئین لره ،بیر میللتین بیر بایراغی اولار دئین لره دیر.

1)قوزئی ده کی بایراقین یارانماسیندا هانسی گونئیلی شخص یا خود اورگوتون رولو اولوب.

2)قوزئیده یارانان بایراقدا گونئی میللتینین هانسی ایده آل لاری یئرله شیب.

3)قوزئی ده بایراق یارانان زامان کیم بوتوو آذربایجاندان سوز آچیب.

سیزجه سوخوشدورولان بایراق یالنیز میللت چی لری بیر آرایا گتیرمک اوچون دور،نییه 5  ایل بوندان اونجه میللت چی لری بیر آرایا گتیره ن بایراغی انگلله ییردیز کی ایندی بایراق سوخوشدورماق گره ک اولسون . آی خورداد اولایلارینین ایل دونومونده بایراق ضرورتینده ن سوز آچان خورداد اولاییندان قاباق بابک قالاسیندا مین لر صداقتلی ایگیدین ال ایله قالدیریلان بایراغی نییه شانتاژائدیردیزکی ایندی سیمگه سوخوشدورماق گره ک اولسون.

آی قودرت یانقی لاری بایراق اوترگی دیر سه قالادا قالخان بایراق دونیا دوردوقجان اولمایا آذربایجان بایراقی اولاجاقیدیر،آی باشی داشلی لار اولمایا بئله دوشونورسوز کی او بایراغین اوستونده یازیلیب دکتر چهره قانلی و ب.ام.ت ،ده هامی بیله جک بو بایراغی دکتر چهره قانلی اونریب ،نییه گاموح 5  ایل بوندان اونجه باشا دوشدوگونو ایندی باشا دوشوسوز ،5  ایل بوغازیمیزی ییرتاندان سونرا هله تزه باشا دوشوب حرکته بایراق سوخوشدوروسوز.اوزوده کیملر ،کیملیگی بللی اولمایان جسارت سیزلر ،سیزلره نه دئسه ک یاراشیر.کیم سیز ،هارداسیز هانکی ایشی گونئیده گوروبسوز .وب سایتدا گیزله نیب ایکی_اوچ جیزما – قارادان سونرا نه ائدیبسیز،او قدر جسارت سیز داورانیرسیز کی قلم یازماقدان اوتانیر.

بئله میللی بایراق میللی شرف دیر، میللی شرف شرفلی اللرده گزر، شرفلی اللرایله اوجالار ،بیر تیکه جیریق لایلون ایله گویه گوندریلمز.

ائلچی بی آدینا بایراق ووروب اوز چیرکین ایستک لریزی قاباغا سورمک ایسته ییرسیز ،سیز ائلچی بیه سایقی ایله یاناشیرسیزمی ؟؟؟؟؟  بس نییه ائلچی بی تایید ائده ن گونئی آذربایجان میللی حرکاتی نین رهبری (دکتر چهره قانلی نی )یالقیز قویدوز؟؟؟؟ سیزلری یاخشی تانییریق ،دوغرودان کی دلال سیز ،داها نه ایشلره ال آتاجاقسیز.هله دوزوروک نه اولاجاق، بیر یاندان فارس شوونیست لری بیریاندان حرکت آل-وئرچی لری ،وای او گونه کی پیچاق سوموگه دایانسین... !